近日全城热议的无綫剧《城寨英雄》收视报捷！前晚录得播映以来最高收视32.4点，平均收视亦是本年度二线剧单日收视之冠，演员陈展鹏、胡定欣、王君馨及袁伟豪等齐齐食饭庆祝！
王君馨笑言会做嘉欣的「阿四」！陈展鹏、胡定欣、王君馨及袁伟豪等昨晚出席剧集《城寨英雄》晚宴活动，剧集前晚录得播映以来暂时最高收视32.4点（约2,105,000观众人次收看），平均收视亦是本年度二线剧单日收视之冠，达31点，成绩理想，众演员齐齐开心祝酒庆祝！加上昨日有传锺嘉欣的BB已出世，喜事重重！
伍允龙唔认拍拖现场嘉欣的前男友伍允龙、前绯闻男友陈展鹏及好姊妹王君馨等坦言若是真的话，都戥她开心！展鹏笑说：「绯闻女友？N年前喇喎！（佢好似好神秘？）神秘先好，畀大家惊喜嘛！（会否买礼物送畀佢？）都好，不过要知男定女先，佢会唔会生龙凤胎呀？」展鹏透露有相士指其对象已出现两年，并即场呼吁对方快点现身。至于嘉欣好姊妹王君馨坦言未知情：「佢生完一个，应该仲有三个接住嚟，因为佢话要储齐四大天王。我自动波变契妈，之后9月探佢，我唔识凑B，但做工人买餸煮饭乜都得！」
伍允龙竟然当住刘佩玥面锡锡狗仔，唔惊人哋诈型？
伍允龙锡狗仔。
袁伟豪摆出招牌功夫甫士。而旧爱伍允龙表示早前曾与嘉欣联络，问会否再致电？他说：「等佢休息吓先。」他亦坦言想成家立室，但未遇到对象。谈到刘佩玥带他出席好友聚会？他说：「好多女仔朋友都带我去朋友聚会，唔係拍拖。（传传吓变真？）呢啲嘢唔知，依家只係好朋友。」
陈展鹏做出「32」手势贺收视报捷，兴奋心情不言而喻！
收视如此理想，一众台前幕后聚首祝酒！胡定欣努力搵伴胡定欣则笑言等这餐饭等了三个星期，希望收视每日升一点，谈到无缘与马国明拍新剧，她说：「只要佢仲喺无綫，我哋都有机会合作。（马明叫你攞咗视后咪咁专注工作！）咁边个养家？依家事业啱啱开始，事业同搵另一半都会努力，佢都要努力，希望佢搵到个好女仔！」
文：影视组
此资讯来源于东方日报娱乐新闻。